KƏMALƏDDİN HEYDƏROV MOSKVA KLİNİKALARINDA YARALI HƏMVƏTƏNLƏRİMİZİ YOLUXMUŞDUR
O, yaralıların vəziyyəti ilə tanış olmuş və bildirmişdir ki, dövlətimizin başçısı onların səhhəti ilə daim maraqlanır, həmvətənlərimizin müalicəsi üçün hər cür kömək göstəriləcəkdir.
Soydaşlarımız bu çətin günlərində Prezident İlham Əliyevin, Azərbaycan hökumətinin onlara diqqət və qayğısına, ilk növbədə həyanlığına, mənəvi dəstəyinə görə dərin minnətdarlıqlarını bildirmişlər. Onlar moskvalı həkimlərə də təşəkkür etmişlər.
Nazir 3 nəfər soydaşımızın müalicə edildiyi Sklifosovski adına Elmi Tədqiqat İnstitutuna da getmiş, yaralıların vəziyyəti ilə tanış olmuşdur.
Sonra institutun direktoru Aleksandr Yermolovla yaralı həmvətənlərimizin müalicəsinin gedişi, onların reabilitasiyası məsələləri müzakirə edilmişdir. A.Yermolov demişdir ki, yaralıların hər üçü üzərində cərrahiyyə əməliyyatı aparılmışdır və vəziyyətləri yaxşılaşır. Onların müalicəsi həkimlərin, eləcə də Moskva hökumətinin daim diqqət mərkəzindədir. Azərbaycan dövləti tərəfindən göstərilən diqqət isə mənəvi-psixoloji baxımdan onlar üçün çox faydalıdır və müalicələrinə müsbət təsir edəcəkdir.
K.Heydərov Gəncədən olan yaralılardan birinin qohumu Lətifə Məhərrəmova ilə də görüşüb söhbət etmişdir. Lətifə xanım Prezident İlham Əliyevə sonsuz minnətdarlığını bildirərək demişdir ki, məhz bu diqqət və qayğının nəticəsində yaralılar, onların qohumları faciədən sonra özlərini tənha hiss etmədilər.
