Keniyalı nümayəndə: WUF13 mühüm nəticələr verəcək və pozitiv dəyişikliklərə töhfə olacaq
Bakı, 19 may, AZƏRTAC
Xüsusilə Qlobal Cənub ölkələri üçün əlçatan və keyfiyyətli mənzil məsələsi böyük əhəmiyyət daşıyır. Mənzil problemi artıq yalnız müəyyən regionlara aid məsələ deyil, qlobal çağırışa çevrilib.
AZƏRTAC xəbər verir ki, bu fikirləri Afrika üzrə İqlim Məsələləri Bürosunun keniyalı redaktoru Muthoni Brian Ngigi WUF13 ilə bağlı açıqlamasında səsləndirib.
O, BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində aparılan müzakirələrin gələcək şəhərsalma siyasətinə müsbət təsir göstərəcəyinə inandığını vurğulayıb.
“Burada səsləndirilən fikirlər və keçirilən müzakirələr gələcəyimizin formalaşmasına təsir edəcək. Ümid edirəm ki, WUF13 mühüm nəticələr verəcək və pozitiv dəyişikliklərə töhfə olacaq”, - deyə keniyalı nümayəndə diqqətə çatdırıb.
Bölmənin digər xəbərləri
