“Kiçik Akademiya”lara 20 mindən artıq şagird cəlb olunub
Bakı, 23 dekabr, AZƏRTAC
İstedadlı şagirdlərlə aparılan işlərin sistemləşdirilməsi məqsədilə Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində “Kiçik Akademiya”lar fəaliyyət göstərir.
BŞTİ-dən AZƏRTAC-a bildirilib ki, “Kiçik Akademiya”lara 20 mindən artıq şagird cəlb olunub, 2 mindən artıq tədbir keçirilib. Həmçinin paytaxtın inzibati rayonları üzrə bütün məktəblərin iştirakı ilə “Kiçik Akademiya”ların hesabat konfransları baş tutub.
Qeyd edək ki, “Kiçik Akademiya”ların təşkil olunmasında məqsəd yaradıcılıq və elmi-tədqiqat işlərinə maraq göstərən, bu sahədə potensial imkanları ilə fərqlənən istedadlı uşaq və gənclərlə aparılan işlərin gücləndirilməsi, yeni fəaliyyət mexanizmlərinin yaradılmasına kömək göstərilməsi və şagirdlərdə tədqiqatçılıq qabiliyyətinin formalaşdırılması ilə bağlı tədbirlərin sistemli həyata keçirilməsindən ibarətdir.
Bölmənin digər xəbərləri
