KİŞİLƏRDƏN İBARƏT YIĞMA VOLEYBOL KOMANDAMIZ AVROPA ÇEMPİONATININ İKİNCİ MƏRHƏLƏSİNƏ HAZIRLAŞIR
AZƏRTAC xəbər verir ki, Azərbaycanın kişilərdən ibarət yığma voleybol komandası Avropa çempionatının seçmə qrup yarışlarının ikinci dövrəsində iştirak etmək üçün iyunun 14-də Minskə yola düşəcəkdir.
Baş məşqçi Oqtay Musayevin yetirmələri orada meydan sahibləri ilə yanaşı, Portuqaliya və Belçika milli kollektivləri ilə mübarizə aparacaqlar.
Xatırladaq ki, voleybolçularımız hər üç komanda ilə Portuqaliyada keçirilmiş birinci dövrənin qarşılaşmalarında 0:3 hesabı ilə məğlub olmuşdular.
Bölmənin digər xəbərləri
