Klublararası dünya çempionatı: "Çelsi" uduzub, "Benfika" 6 cavabsız qolla qalib gəlib
Bakı, 21 iyun, AZƏRTAC
ABŞ-ın ev sahibliyi etdiyi klublararası dünya çempionatında daha iki oyun keçirilib.
AZƏRTAC xəbər verir ki, D qrupunda İngiltərənin "Çelsi" klubu Braziliya "Flamenqo"su ilə qarşılaşıb. İlk hissə London təmsilçisinin minimal hesablı üstünlüyü ilə başa çatsa da, fasilədən sonra 3 qol vuran braziliyalılar yekunda inamlı qələbə qazanıblar - 3:1.
Digər matç isə C qrupunda Portuqaliya "Benfika"sı ilə Yeni Zelandiyanın "Oklend Siti" klubu arasında baş tutub. Lissabon klubu rəqibinin qapısından 6 cavabsız top keçirib.
Qeyd edək ki, klublararası dünya çempionatına iyulun 13-də yekun vurulacaq.
Bölmənin digər xəbərləri
