KOMPYUTER OYUNLARI ÜZRƏ ÜÇÜNCÜ AZƏRBAYCAN ÇEMPİONATI KEÇİRİLƏCƏKDİR
İyunun 12-14-də kompyuter oyunları üzrə üçüncü milli çempionatın seçmə yarışları keçiriləcəkdir.
Gənclər və İdman Nazirliyindən AZƏRTAC-a bildirmişlər ki, Kompyuter Oyunları Milli Assosiasiyası ilə birgə təşkil olunacaq yarışın qalibləri Almaniyada dünya çempionatında iştirak edəcəklər.
Çempionatda yaşı 14-dən 29-dək olan gənclər iştirak edə bilərlər. Yarışın final mərhələsi iyunun 18-20-də keçiriləcəkdir. Hər bir oyun növü üzrə ilk üç yeri tutacaq iştirakçılar Gənclər və İdman Nazirliyi tərəfindən təsis edilmiş diplom və hədiyyələr qazanmaqla bərabər, sponsorlar tərəfindən də mükafatlandırılacaqlar.
Bölmənin digər xəbərləri
