Koronavirusun geniş yayıldığı Lombardiyada ötən gün ölüm halı qeydə alınmayıb
Roma, 26 may, AZƏRTAC
İtaliyanın koronavirusun ən geniş yayılmış Lombardiya vilayətində son bir sutkada ölüm halı qeydə alınmayıb və hökumət bunu xəstəlik üzərində qələbə adlandırıb.
AZƏRTAC xəbər verir ki, İtaliyada son bir sutkada cəmi 300 yeni yoluxma və 92 ölüm qeydə alınıb. Virusun əsas ocağı olan Lombardiyada isə iki gün əvvəl 34 ölüm hadisəsi olub.
Ümumi yoluxma say ölkə üzrə 230 min 158 nəfər, ölüm sayı isə 32 min 877 nəfərdir.
İtaliya hökuməti karantin rejiminin yumşalmasının yeni mərhələsinə keçib. Belə ki, artıq ölkə üzrə hovuz və idman zalları da istifadəyə açılıb. Bu qayda yalnız Lombardiyada mayın 31-dən, Bazilikatda isə iyunun 3-dən qüvvəyə minəcək. Bu yerlərin istifadəsi zamanı maska taxmaq məcburiyyəti də yoxdur.
Artıq ötən həftədən ölkədə kafe və restoranların açılmasından sonra milyonlarla italyan bu yerlərə axışmağa başlayıb.
Aygün Əliyeva
AZƏRTAC-ın xüsusi müxbiri
Roma
Bölmənin digər xəbərləri
