Korroziyaya aid dərslik yenidən işlənərək nəşr olunub
Bakı, 29 dekabr, AZƏRTAC
Elm və Təhsil Nazirliyinin akademik Yusif Məmmədəliyev adına Neft-Kimya Prosesləri İnstitutunun direktoru akademik Vaqif Abbasovun “Korroziya” kitabı nəşr olunub.
İnstitutdan AZƏRTAC-a bildirilib ki, kitab müstəqil Azərbaycan Respublikasında korroziyaya aid nəzəri və praktiki biliklərlə zəngin olan ilk milli dərsliyin yenidən işlənmiş ikinci nəşridir. Dərslikdə korroziyanın nəzəri problemləri, o cümlədən ayrı-ayrı korroziya prosesləri, onların baş verməsini şərtləndirən amillər, müxtəlif sənaye sahələrində korroziya problemləri və onların aradan qaldırılması üsulları haqqında məlumat yer alıb.
Kitabda Neft-Kimya Prosesləri İnstitutunda korroziya və ona qarşı mübarizə vasitələrinin yaranması sahəsində aparılan fundamental və tətbiqi tədqiqatlar haqqında da məlumat verilir.
Dərslik ali məktəblərin uyğun ixtisaslar üzrə bakalavr pilləsində təhsil alan tələbələri üçün nəzərdə tutulub. Kitabdan, həmçinin magistrantlar, doktorantlar, elmi işçilər, mühəndislər və texnoloqlar istifadə edə bilərlər.
Bölmənin digər xəbərləri
