KÜLLİ MİQDARDA NARKOTİK VASİTƏ SATIŞI İLƏ MƏŞĞUL OLAN PAYTAXT SAKİNİ TUTULMUŞDUR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Narkotiklərlə Mübarizə Baş İdarəsi əməkdaşlarının keçirdiyi əməliyyat nəticəsində Bakı şəhər sakini, uzun müddət külli miqdarda narkotik vasitələrin satışı ilə məşğul olmuş Rövşən Rzayev 1,485 qram heroini satarkən tutulmuşdur. Onun evinə baxış zamanı 26,55 qram tiryək, 0,438 qram heroin, 1 ədəd elektron tərəzi, narkotik vasitəni qəbul etmək üçün məftildən ibarət 1 ədəd alət götürülmüşdür. Rövşən Rzayevin cinayət əlaqəsinə girərək, narkotik vasitəni Cəlilabad rayon sakini Miraqil Soltanovdan və İran vətəndaşı, külli miqdarda narkotik vasitələri qaçaqmalçılıq yolu ilə tez-tez İrandan respublikamıza keçirən və onun satışı ilə məşğul olan Məmmədəli adlı şəxslə birlikdə satmaları müəyyən edilmişdir. Görülmüş tədbirlər nəticəsində Miraqil Soltanov və onun qardaşı, Baba təxəllüslü Mirməhəmməd tutulmuşlar.
Faktla bağlı cinayət işi açılmışdır.
Bölmənin digər xəbərləri
