Kür çayına balıq körpələri buraxılıb
Bakı, 27 dekabr, AZƏRTAC
Biomüxtəlifliyin qorunması, su hövzələrinin zənginləşdirilməsi, balıq populyasiyasının artırılması məqsədilə növbəti balıq buraxılışı Yevlax rayonunda keçirilib.
Bioloji Müxtəlifliyin Qorunması Xidmətinin rəisi Firuddin Əliyev AZƏRTAC-a bildirib ki, Ekologiya və Təbii Sərvətlər Nazirliyinin rəsmiləri, Su Nəqliyyatında Polis İdarəsinin və Yevlax şəhər İcra Hakimiyyətinin nümayəndələrinin iştirakı ilə Kür çayının Yevlax rayonu ərazisindən keçən hissəsinə 100 min ədəd çəkikimi balıq körpəsi buraxılıb.
Xidmət rəisi qeyd edib ki, ölkədə balıq ehtiyatlarının artırılmasına töhfə vermək məqsədilə il ərzində təbii su hövzələrinə ümumilikdə 4 milyondan çox çəkikimi, nərəcinsli və qızılbalıq körpələri buraxılıb.
Bölmənin digər xəbərləri
