KÜR ÇAYINDA DAŞQINLARLA MÜBARİZƏ TƏDBİRLƏRİ DAVAM ETDİRİLİR
Kürdəmir rayonu Mollakənd mexaniki suvarma idarəsindən müxbirimizə bildirmişlər ki, keçən il kollektiv Kürdə daşqın təhlükəsinin qarşısını almaq məqsədi ilə 49,2 milyon manat vəsait hesabına 137,9 min kubmetr həcmində iş yerinə yetirmişdir. Baş verə biləcək daşqınlara qarşı tədbirlər davam etdirilir. Bu məqsədlə iki traktor, iki ekskavator, dörd avtomaşın və 45 nəfər işçi qüvvəsi ayrılmışdır. Kür çayı boyunca yerləşən Söyüdlər, Sovla, Şüşün, Qara Mahmudlu, Xəlsə, Qocalı kəndlərinin daşqınlardan mühafizəsi ilə bağlı tədbirlərdə fəal iştirak edən kollektiv ötən il 100 min kubmetrdən çox bəndatma işləri görmüşlər.
Bölmənin digər xəbərləri
