Kür çayında köməksiz vəziyyətdə qalan şəxslər xilas edilib VİDEO
Bakı, 22 yanvar, AZƏRTAC
Fövqəladə Hallar Nazirliyinin (FHN) 112 - qaynar telefon xəttinə Kür çayının Şirvan şəhərindən keçən hissəsində motorlu qayıqda baş verən nasazlıq səbəbindən iki nəfərin köməksiz vəziyyətdə qalması barədə məlumat daxil olub.
Nazirliyin mətbuat xidmətindən AZƏRTAC-a bildirilib ki, məlumatla əlaqədar dərhal hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri cəlb edilib.
Keçirilən operativ xilasetmə əməliyyatı sayəsində köməksiz vəziyyətdə qalan həmin şəxslər xilas olunub və qayıq yedəyə alınaraq sahilə çıxarılıb.
Bölmənin digər xəbərləri
