Kür çayında suyun səviyyəsi azalmışdır
Bakı, 11 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, Böyük Qafqazın Balakən-Şəki bölgəsi çaylarında sululuq ongünlük normanın 110-150, Quba-Xaçmazda 60-160, Lənkəran-Astarada 40-70, Kiçik Qafqazda 50-70, Naxçıvan MR çaylarında isə 40 faizini təşkil edir.
Qanıx çayının Əyriçay məntəqəsində su sərfi 177 kubmetr/saniyə olmuşdur.
Kür çayının bütün məntəqələrində suyun səviyyəsi keçən illə müqayisədə aşağı düşmüşdür. Surrada suyun dərinliyi 578, Şirvanda 483, Bankədə 313, Salyanda 416 santimetrə çatır. Araz çayının Novruzlu məntəqəsində isə 295 santimetrdir.
Bölmənin digər xəbərləri
