Kür və Araz çaylarında suyun səviyyəsi ötən illə müqayisədə aşağıdır
Bakı, 26 oktyabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti çaylarda mövcud vəziyyəti araşdırmışdır.
Nazirliyin mətbuat xidmətindən AZƏRTAC-a bildirmişlər ki, hazırda Böyük və Kiçik Qafqazın çaylarında sululuq ongünlük normanın 80-120, Lənkəran-Astarada 9-17, Naxçıvan MR çaylarında isə 60-80 faizini təşkil edir. Araşdırmalara görə, Kür çayının Qıraqkəsəmən məntəqəsində su sərfi saniyədə 158 kubmetr, Qanıx çayının Əyriçay məntəqəsində isə saniyədə 62 kubmetrdir.
Bundan başqa, Kür çayının aşağı axınındakı Surra məntəqəsində suyun səviyyəsi 417, Şirvanda 301, Salyanda 322, Bankədə 250, Araz çayının Novruzlu məntəqəsində isə 156 santimetr olmuşdur. Bu da ötən ilin müvafiq dövrü ilə müqayisədə bütün məntəqələrdə (Bankə məntəqəsini çıxmaqla) suyun səviyyəsinin aşağı olduğunu göstərir.
Bölmənin digər xəbərləri
