KÜVEYTDƏ QADINLAR İLK DƏFƏ PARLAMENT SEÇKİLƏRİNDƏ İŞTİRAK EDƏCƏKLƏR
Küveyt Milli Məclisində 50 yer uğrunda 253 namizəd, o cümlədən 26 qadın mübarizə aparacaqdır. Əvvəlcə 407 namizəd qeydə alınmışdı, onların 32-si qadın idi. Seçkiqabağı kampaniya prosesində 154 nəfər namizədliyini geri götürmüşdür. Əmirliyin qanunlarına görə, seçkilərdə 340 min küveytli iştirak edə bilər, onların 195 min nəfəri və ya 57 faizi qadındır. Hərbçilər və təhlükəsizlik qüvvələrinin əməkdaşları namizədliklərini irəli sürə bilməzlər.
Küveytdə parlament seçkiləri gələn ilin iyulunda keçirilməli idi. Lakin əmir şeyx Sabah əl-Əhməd əs-Sabah mayın 21-də siyasi böhran üzündən Milli Məclisi buraxdığı üçün növbədənkənar seçkilər təyin edilmişdir.
Bölmənin digər xəbərləri
