Lavrov: Moskva Gürcüstanla təmaslar üzrə təklifləri nəzərdən keçirməyə hazırdır
Moskva, 28 oktyabr, AZƏRTAC
İsveçrənin Gürcüstandakı səfirliyində Rusiyanın maraqları bölməsi var. Gürcüstanda işləyən Rusiya diplomatları bu ölkədə baş verənlər barədə məruzə edir və yüksələn xətlə inkişaf edən münasibətlərin, o cümlədən iqtisadi-ticari əlaqələrin inkişafına köməklik göstərirlər.
AZƏRTAC xəbər verir ki, bu barədə Rusiyanın xarici işlər naziri Sergey Lavrov Küveytin xarici işlər naziri Abdulla əl-Yəhya ilə danışıqların yekunlarına dair mətbuat konfransında bildirib.
O qeyd edib ki, Moskva heç vaxt Gürcüstan tərəfi ilə təmaslardan imtina etməyib.
“Gürcüstanlı qonşularımız tərəfindən təmaslarla bağlı əlavə təkliflər olarsa, əlbəttə ki, onları nəzərdən keçirəcəyik. Biz heç vaxt təmaslardan çəkinməmişik”, - deyə S.Lavrov vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
