LAY SULARI YENİDƏN KÖHNƏ QUYULARA VURULACAQ BU, EKOLOJİ BAXIMDAN ƏN SƏRFƏLİ ÜSULDUR

LAY SULARI YENİDƏN KÖHNƏ QUYULARA VURULACAQ
BU, EKOLOJİ BAXIMDAN ƏN SƏRFƏLİ ÜSULDUR

06.05.2004 [14:13]
Çap et
A⁺ A^-

Ə.Əmirov adına Neft və Qaz Çıxarma İdarəsində neftlə bərabər çıxan lay suları yenidən köhnə quyulara vurulacaqdır. Ekoloji baxımdan çox sərfəli olan bu üsul “Azneft” İstehsalat Birliyinin razılığı ilə qurudakı digər mədənlərdə də həyata keçiriləcəkdir.

İdarədən AZƏRTAC-ın müxbirinə bildirmişlər ki, 1996-cı ilə qədər bu üsul tətbiq olunmuş, sonra isə dayandırılmışdı. Adətən quyulardan neftlə bərabər çıxan lay suları buruğun yaxınlığındakı gölməçələrə yığılır. Lakin su həddən artıq olanda mədən sahələrində əlavə gölməçələr yaradır, daha böyük ərazini çirkləndirir və radiasiya mənbəyinə çevrilir. Ona görə də lay sularının köhnə quyulara vurulması məsələsi yenidən aktuallaşmışdır.

Hazırda Ə.Əmirov adına NQÇİ-nin dörd yatağında bu məqsədlə 12 quyu seçilib və suvurma prosesi qaydaya salınır. Birliyin Balaxanıneft, Bibiheybətneft, Binəqədineft və s. neft-qazçıxarma müəssislərində də bu iş reallaşmaqdadır.