LƏNKƏRANDA AZƏRBAYCAN VƏ ÖZBƏKİSTANIN FUTBOL ÜZRƏ YIĞMA KOMANDALARI ARASINDA YOLDAŞLIQ GÖRÜŞÜ KEÇİRİLMİŞDİR
Lənkəran, 20 may (AZƏRTAC). “Xəzər-Lənkəran” futbol klubunun mərkəzi stadionunda Azərbaycan və Özbəkistanın futbol üzrə yığma komandaları arasında yoldaşlıq görüşü keçirilmişdir.
Oyun azərbaycanlı futbolçuların üstünlüyü şəraitində keçsə də, Özbəkistan yığma komandasının yarımmüdafiəçisi Zahir Pirimovun birinci hissənin 38-ci dəqiqəsində dörd müdafiəçini aldadaraq vurduğu yeganə top qonaqlara qələbə qazandırmışdır.
Oyundan sonra Özbəkistan yığma komandasının baş məşqçisi Əhmədcan Vbaydullayev jurnalistlərlə müsahibəsində yoldaşlıq görüşünün nəticəsindən razı qaldığını vurğulamış, yarışın yüksək səviyyədə təşkilinə görə AFFA rəhbərliyinə minnətdarlığını bildirmiş, Lənkəranın gözəl təbiətinə heyran olduğunu diqqətə çatdırmışdır.
Azərbaycan yığma komandasının baş məşqçisi Bernard Lippert isə oyundan razı, nəticədən narazı qaldığını, komandada hücumçu probleminin olduğunu bildirmişdir.
Bölmənin digər xəbərləri
