Lənkəranda “FotoMən” adlı müsabiqəyə başlanılıb
Bakı, 20 aprel, AZƏRTAC
Lənkəran Şəhər Gənclər və İdman İdarəsinin təşkilatçılığı ilə “FotoMən” adlı müsabiqəyə başlanılıb.
AZƏRTAC Azərbaycan Gənclər və İdman Nazirliyinin saytına istinadla xəbər verir ki, gənclər çəkdikləri fotoşəkilləri [email protected] elektron poçt ünvanına və ya (050) 748 68 78 “WhatsApp” nömrəsinə göndərməklə müsabiqəyə qoşula bilərlər. Müsabiqəyə yalnız Lənkəran rayonu ərazisində çəkilən, rayonun gözoxşayan gözəl təbiətini və mənzərəli ərazilərini əks etdirən fotoşəkillər qəbul olunur.
Hər bir gənc fotoşəkil göndərdiyi zaman öz ad, soyadını və ata adını, təvəllüdünü, yaşadığı ünvanı və əlaqə nömrəsini mütləq qeyd etməlidir. Fotoşəkillər aprelin 22-si saat 00:00-dək qəbul ediləcək və idarənin “Facebook” səhifəsində yerləşdiriləcək.
Aprelin 26-dək bəyənmə sayına uyğun olaraq ilk 3 yerə layiq görülən şəkillər müəyyən olunacaq. Qaliblər Lənkəran Şəhər Gənclər və İdman İdarəsi tərəfindən təltif ediləcək.
Bölmənin digər xəbərləri
