Lerik, Lənkəran və Astarada dağlıq ərazidəki meşə zolaqlarında yanğın başlayıb
Bakı, 25 mart, AZƏRTAC
Martın 24-də axşam saatlarında Lerik rayonunun Vov, Vənədi kəndləri, Astara rayonunun Pəlikəş, Çükəş, Dolu kəndləri və Lənkəran rayonunun Biləsər kəndi yaxınlığında dağlıq ərazidəki meşə zolaqlarında yanğın başlayıb.
Fövqəladə Hallar Nazirliyindən AZƏRTAC-a verilən məlumata görə, ərazi yüksək dağ massivində və çətin relyefdə yerləşdiyindən, eləcə də havanın küləkli olması yanğınların söndürülməsinə çətinliklər yaradıb.
Yanğınların söndürülməsi işlərinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası, Ekologiya və Təbii Sərvətlər Nazirliyinin Meşə Təsərrüfatı İdarəsinin qüvvələri və yerli əhali cəlb edilib.
Əlavə məlumat veriləcək.
Bölmənin digər xəbərləri
