LOS-ANCELES EVSİZLƏR VƏ YOXSULLAR ŞƏHƏRİDİR
AZƏRTAC Frans Press Agentliyinə istinadla xəbər verir ki, Los-Ancelesin meri xüsusi tədqiqatın nəticələri açıqlandıqdan sonra öz şəhərini “evsizlər və yoxsullar paytaxtı” adlandırmışdır. Tədqiqat göstərmişdir ki, ABŞ-ın Nyu-Yorkdan sonra bu ikinci iri şəhərində 48 min adam küçələrdə yaşayır. 88 şəhərin daxil olduğu Los-Anceles dairəsində isə 82 min evsiz-eşiksiz insan var.
Meriyanın keçirdiyi ilk ətraflı tədqiqat nəticəsində həmçinin məlum olmuşdur ki, şəhərdəki sığınacaqlar bir gecədə evsizlərin yalnız 12 faizinə yer verə bilər.
“ABŞ şəhərləri merlərinin konfransı” təşkilatının hesablamalarına görə, hazırda ölkədə 3,5 milyondan çox insanın ev-eşiyi yoxdur. Bu isə ABŞ-ın bütün əhalisinin 1,25 faizi deməkdir.
Bölmənin digər xəbərləri
