Lvovun yaşayış massivi raketlə vurulub, azı 4 nəfər ölüb
Kiyev, 9 mart, AZƏRTAC
Rusiyaya məxsus raket Lvov vilayətinin Zoloçevski rayonu ərazisindəki yaşayış massivinə düşüb. İlkin məlumata görə, azı 4 nəfər həlak olub.
AZƏRTAC xəbər verir ki, bu barədə Lvov Hərbi Administrasiyasının rəhbəri Maksim Kozitski teleqram səhifəsində məlumat verib. O qeyd edib ki, raketin yaşayış məntəqəsinə düşməsi nəticəsində üç ev, üç avtomobil, bir qaraj və bir neçə yardımçı tikili yanıb.
"Ölənlərdən ikisi kişi və ikisi qadındır. Raket düşən zaman onlar evdə olublar. Dağıntılar hələ də təmizlənir, onların altında başqa insanlar da ola bilər", - deyə Kozitski əlavə edib.
Martın 9-na keçən gecədən başlayaraq Ukrayna ərazisinə, o cümlədən paytaxt Kiyevə Rusiya ordusu tərəfindən kütləvi raket hücumu həyata keçirilib. Kiyev də daxil olmaqla, bir sıra vilayətlərdə dağıntılar qeydə alınıb.
Kiyev
Bölmənin digər xəbərləri
