Macarıstanın Baş naziri Viktor Orban Gürcüstana səfər edəcək
Tbilisi, 28 oktyabr, AZƏRTAC
Macarıstanın Baş naziri, Avropa İttifaqı Şurasının sədri Viktor Orban oktyabrın 28-29-da Gürcüstanda rəsmi səfərdə olacaq.
AZƏRTAC xəbər verir ki, bu barədə Gürcüstan Hökuməti Administrasiyasının mətbuat xidməti məlumat yayıb.
Bildirilir ki, oktyabrın 29-da Administrasiyada Baş nazir Viktor Orbanın rəsmi qarşılanma mərasimi təşkil olunacaq.
Təkbətək və geniş formatda keçiriləcək görüşlərdən sonra İrakli Kobaxidze və Viktor Orban mediaya birgə bəyanatlarla çıxış edəcəklər.
Macarıstanın Baş nazirini bu səfər çərçivəsində xarici və ticarət naziri Peter Sijarto, iqtisadi inkişaf naziri Marton Nagy, maliyyə naziri Mihali Varqa, dövlət katibi Yanoş Mate və digər rəsmi şəxslər müşayiət edəcəklər.
AZƏRTAC-ın xüsusi müxbiri
Tbilisi
Bölmənin digər xəbərləri
