“Mançester Yunayted” 1931-ci ildən bəri ən böyük hesablı məğlubiyyətini təkrarladı
Bakı, 5 mart, AZƏRTAC
Premyer Liqanın 25-ci turunda "Liverpul" doğma meydanda "Mançester Yunayted"i 7:0 hesabı ilə məğlub edib.
AZƏRTAC xəbər verir ki, görüş “Enfild” stadionunda baş tutub. Qolları Kodi Qakpo (43-cü və 50-ci dəqiqə), Darvin Nunes (47, 75), Məhəmməd Salah (66, 83), Roberto Firmino (88) vurub.
Daha əvvəl eyni hesabla “Bləkbern” (1926), “Aston Villa” (1930) və “Qurdlar”a (1931) məğlub olan “Mançester Yunayted” tarixində dördüncü dəfə 0:7 hesabı ilə məğlub olub. Bu nəticə klub tarixində ən böyük hesablı məğlubiyyətdir.
Bölmənin digər xəbərləri
