Mariam Sayed: Müstəmləkəçiliyin yaratdığı sosial bərabərsizliklər bu gün də dünya üçün ciddi çağırışdır
Bakı, 19 may, AZƏRTAC
Ədalət anlayışı insan cəmiyyətinin əsas dayaqlarından biridir və müstəmləkəçilik nəticəsində yaranan sosial bərabərsizliklər bu gün də dünya üçün ciddi çağırış olaraq qalır.
AZƏRTAC xəbər verir ki, bu fikirləri BMT-nin Gənclər üzrə Məşvərət Şurasının üzvü Mariam Sayed Mohamed Abdelsalam Ümumdünya Şəhərsalma Forumunun 13-cü Sessiyası (WUF13) çərçivəsində Bakı Təşəbbüs Qrupu (BTQ) tərəfindən “Müstəmləkə idarəçiliyinin yaratdığı ədalətsizliklər və mənzil böhranı” mövzusuna həsr olunmuş tədbirdə çıxışı zamanı səsləndirib.
O bildirib ki, ədalət məsələsi tarix boyu insanlıq üçün fundamental əhəmiyyət daşıyıb.
BMT rəsmisi qeyd edib ki, mənzil böhranı və sosial bərabərsizliklər kimi problemlər yalnız iqtisadi məsələ deyil, həm də ədalət məsələsidir.
“Bu gün biz yenidən ədalət anlayışına qayıtmalı və mövcud qlobal problemlərə həmin prizmadan baxmalıyıq”, – deyə o bildirib.
Mariam Sayed Mohamed Abdelsalam çıxışında tədbirin əhəmiyyətini xüsusi qeyd edib və bu cür platformaların qlobal problemlərin müzakirəsi baxımından vacib rol oynadığını diqqətə çatdırıb.
Fotoqraf - İlkin Cavanşirov
Bölmənin digər xəbərləri
