Marneulidə uşaq və yeniyetmələr arasında şahmat çempionatı keçirilib
Tbilisi, 28 yanvar, AZƏRTAC
Marneulidə uşaq və yeniyetmələr arasında şahmat üzrə “Marneuli kuboku” keçirilib.
AZƏRTAC xəbər verir ki, “İnkişaf və Təhsil Mərkəzi”nin təşkilatçılığı və SOCAR-ın dəstəyi ilə keçirilən yarışda 41 nəfər uşaq və yeniyetmə iştirak edib.
Beş turdan ibarət olan yarışda 8-10 yaş kateqoriyasında Gürcüstan Azərbaycanlılarının İnteqrasiya Mərkəzinin yetirməsi Ümid Əliyev 5 xal toplayaraq birinci yerin sahibi olub.
Marneuli rayonunun Sadaxlı kənd 1 saylı ictimai məktəbinin şagirdi Əli Bayramov 4 balla ikinci, Timur Kələyev isə 4 xalla üçüncü pilləni tutub.
On və daha yuxarı yaşlı şahmatçılar arasında Əli Əliyev 5 xalla birinci, hərəyə 4 xal toplayan Rafael Bayramov və Onur Əsgərov isə müvafiq olaraq, iki və üçüncü yerləri tutublar.
Qaliblərə kubok, diplom və medallar təqdim olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
