MASALLIDA MÜSABİQƏ İLƏ ƏLAQƏDAR İŞÇİ QRUPU YARADILMIŞDIR

01.07.2004 [12:07]
Çap et
A⁺ A^-

AZƏRTAC-ın müxbiri xəbər verir ki, Ekologiya və Təbii Sərvətlər Nazirliyinin “Gözəl şəhər, təmiz kənd və layiqli vətəndaş” devizi ilə keçirdiyi müsabiqəyə qoşulan Masallı sakinləri doğma diyarı daha da gözəlləşdirmək və abadlaşdırmaq məqsədi ilə müxtəlif tədbirlər həyata keçirirlər.

Rayon icra hakimiyyətində müsabiqə ilə əlaqədar tədbirlər planı hazırlanmış, bu məqsədlə işçi qrupu yaradılmışdır.

İşçi qrupu tərəfindən şəhərin küçə və meydanları, yollar idarə və müəssisələr arasında bölüşdürülmüşdür. Hər bir idarə ona həvalə olunmuş sahədə abadlıq, təmizlik, səliqə-səhman işlərini görür.

Rayonun ərazisində yerləşən kəndlərdə də təmizlik və abadlıq işləri müntəzəm davam etdirilir.