MDB MÜŞAHİDƏÇİLƏRİNİN ARALIQ HESABATI
AZƏRTAC “Xəbər” agentliyinə istinadla xəbər verir ki, MDB müşahidəçilərinin nümayəndə heyəti Qazaxıstanda prezident seçkiləri kampaniyasının gedişi ilə əlaqədar aralıq hesabatı təqdim etmişdir. Müşahidəçilərin sözlərinə görə, Qazaxıstanda seçki kampaniyası ciddi pozuntulara yol verilmədən keçirilir. Bununla yanaşı, hesabatda bəzi iradlar da var. Qanunsuz təbliğat faktlarından, prezidentliyə namizədlərdən birinin təyin olunmuş vaxtdan əvvəl təbliğata başlaması cəhdlərindən danışılır. Hesabatda kənd yerlərindəki namizədlər barədə informasiyanın yoxluğu faktları da göstərlir, Qazaxıstan Mərkəzi Seçki Komissiyasına bu istiqamətdə işi gücləndirmək tövsiyə olunur.
MDB-dən olan müşahidəçilər Qazaxıstanda fəaliyyətə noyabrın əvvəllərindən başlamışlar. Buradakı prezident seçkilərini MDB ölkələrindən 300-dən çox müşahidəçi izləyəcəkdir.
Bölmənin digər xəbərləri
