MDB ÖLKƏLƏRİ HÜQUQ-MÜHAFİZƏ ORQANLARININ İNFORMASİYA XİDMƏTLƏRİ RƏHBƏRLƏRİNİN KONFRANSI OLMUŞDUR
AZƏRTAC-ın xüsusi müxbiri xəbər verir ki, Astanada MDB ölkələri hüquq-mühafizə orqanlarının informasiya xidmətləri rəhbərlərinin “Transmilli cinayətkarlıq və terrorizmlə mübarizə sahəsində informasiya təminatının dirçəldilməsi sahəsində əməkdaşlıq” mövzusunda konfransı keçirilmişdir. Konfransda Azərbaycan hüquq-mühafizə orqanları informasiya xidmətlərinin rəhbərləri də təmsil olunmuşlar. Tədbirdə MDB-nin Antiterror Mərkəzi, MDB Baş Prokurorlarının Əlaqələndirmə Şurası və mütəşəkkil cinayətkarlıqla mübarizə üzrə Əlaqələndirmə Bürosunun nümayəndələri də iştirak etmişlər.
Konfransda informasiya mübadiləsi sahəsində əməkdaşlığın genişləndirilməsi, terrorizm, mütəşəkkil cinayətkarlıq, narkotiklərin qanunsuz dövriyyəsi, silah alveri və digər mənfi hallarla mübarizədə səmərəli tədbirlərin həyata keçirilməsi məsələləri müzakirə edilmişdir.
Bölmənin digər xəbərləri
