“Məhsul” həndbol komandası Azərbaycan çempionatında liderliyi davam etdirir
Bakı, 18 fevral, AZƏRTAC
Kişi həndbolçular arasında Azərbaycan çempionatında növbəti oyunlar keçirilib.
Azərbaycan Həndbol Federasiyasından AZƏRTAC-a bildiriblər ki, Respublika İxtisaslaşdırılmış Olimpiya Ehtiyatları Uşaq Gənclər İdman Məktəbinin (RİOEUGİM) yetirmələri ilə qarşılaşan “Bakı” həndbolçuları çətinlik çəkmədən qalib gəliblər - 37:16. “Məhsul” komandası isə “Təhsil” kollektivini 26:21 hesabı ilə məğlub edib.
Bu nəticələrdən sonra “Məhsul” həndbolçuları 16 xalla turnir cədvəlində liderliyi davam etdirirlər. Hər birinin aktivində 10 xal olan “Bakı” və “Təhsil” komandaları ikinci-üçüncü yerləri bölüşürlər. Turnir cədvəlinin sonuncusu RİOEUGİM-in xalı yoxdur.
Bölmənin digər xəbərləri
