Məktəblilərə ekoloji mövzuda seminar keçirilmişdir
Bakı, 12 yanvar (AZƏRTAC). “İrəli” İctimai Birliyi “Məktəb parlamenti” layihəsi çərçivəsində ekoloji problemlərlə əlaqədar seminarlara başlamışdır.
Qurumun mətbuat xidmətindən AZƏRTAC-a bildirmişlər ki, yanvarın 12-də Bakı 7 nömrəli pilot məktəbində təşkil olunmuş seminarda “Təbiət Elmləri “ İctimai Birliyinin sədri, ekspert Rövşən Əkbərov Yer kürəsinin quruluşu, orada gedən proseslər, insanların yaşayışı üçün əsas amillər və kağızın təkrar istehsalı ilə bağlı mövzularda məktəblilərə məlumatlar vermiş, onları maraqlandıran sualları cavablandırmışdır.
Tədbirdə “Məktəb parlamenti”nin 40-a yaxın üzvü iştirak etmişdir.
Azərbaycan Dövlət İqtisad Universitetinin “SİFE” komandasının təklifi ilə həyata keçirilən ekoloji seminarlar 1ay ərzində davam edəcəkdir.
Bölmənin digər xəbərləri
