Məleykə Abbaszadə kişi müəllimlərin azalmasına və gender balansının pozulmasına münasibət bildirib
Bakı, 5 mart, AZƏRTAC
Dövlət İmtahan Mərkəzinin Direktorlar Şurasının sədri Məleykə Abbaszadə təhsil sahəsində kişi müəllimlərin azalmasına və gender balansının pozulmasına öz münasibətini bildirib.
AZƏRTAC xəbər verir ki, Məleykə Abbaszadə jurnalistlərə açıqlamasında insanları bu peşəni seçməyə məcbur etməyin düzgün olmadığını söyləyib.
“Bu məsələ ilə bağlı peşəyönümlü ciddi işlər aparılmalıdır ki, oğlanlar müəllimlik peşəsini seçsinlər. Maarifləndirmə işləri artmalıdır. Gender balansı pozulub. Müəllimlərin əksəriyyəti qadınlardır. Ancaq məktəb direktorlarının əksəriyyəti kişilərdir. Dövlət qulluğunda da biz görürük ki, təhsil sahəsində rəhbər vəzifələrdə kişilər üstünlük təşkil edir”, - deyə DİM sədri bildirib.
Bölmənin digər xəbərləri
