Merkel almanları vaxtından əvvəl arxayınlaşmamağa çağırıb
Berlin, 4 fevral, AZƏRTAC
Son bir həftədə Almaniyada koronavirusa yoluxma səviyyəsi azalaraq hər 100 min sakinə 100 yeni yoluxmadan aşağı olub.
AZƏRTAC xəbər verir ki, federal kansler Angela Merkel ölkənin ictimai televiziyasında çıxış edib. Kansler deyib: “Bu, yaxşı nəticədir, biz uzun müddət buna nail ola bilmirdik”.
Bununla belə, Merkel almanları vaxtından əvvəl arxayınlaşmamağa çağırıb. O deyib: “Bu, o demək deyildir ki, səhiyyə orqanları virusa yenidən nəzarət edirlər”.
Kansler vurğulayıb ki, virusa tam nəzarət etmək üçün hələ çox iş görmək lazımdır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
