Meşə fondu torpaqlarında ötən həftə 45 mindən çox ağac əkilib
Bakı, 26 dekabr, AZƏRTAC
Son bir həftə ərzində meşə fondu torpaqlarının açıq və seyrək ərazilərində keçirilən meşəbərpa tədbirləri zamanı 45 mindən artıq müxtəlif növ ağac əkilib, 600 kiloqramdan çox toxum səpilib.
AZƏRTAC xəbər verir ki, bunu Meşələrin İnkişafı Xidmətinin rəsmisi Cabbar Qəribov bildirib.
“Regional Meşə Təsərrüfatı mərkəzlərinin əməkdaşları tərəfindən ölkənin bütün regionlarının meşə fondu torpaqlarında meşəbərpa tədbirləri davam edir, hər bölgənin iqlim şəraitinə uyğun Meşə Təsərrüfatı mərkəzlərinin tinglik sahələrində yetişdirilən müxtəlif növ ağaclar əkilir, toxumlar səpilir”, - deyə C.Qəribov qeyd edib.
Bölmənin digər xəbərləri
