Messi qollarının sayını 501-ə çatdırıb
Bakı, 4 fevral, AZƏRTAC
“Barselona” futbol klubu və Argentina yığmasının hücumçusu Lionel Messi qollarının sayını artırmaqda davam edir.
AZƏRTAC “Marca” qəzetinə istinadla xəbər verir ki, artıq argentinalı ulduz karyerası ərzində vurduğu qolların sayını 501-ə çatdırıb. Bu, İspaniya kuboku yarışlarının yarımfinal mərhələsində “Valensiya” ilə oynanılan ilk qarşılaşmada baş verib. Komandasının 7:0 hesablı qələbə qazandığı görüşdə Messi habelə het-trik müəllifi olub. Bununla 28 yaşlı forvard karyerası ərzində vurduğu qolların sayını 501-ə çatdırıb.
Qeyd edək ki, “Qızıl top” mükafatının beşqat qalibi bu qollardan 436-na “Barselona”nın, 65-nə isə Argentina yığmasının heyətində imza atıb.
Bölmənin digər xəbərləri
