MƏZUNLARIN İŞƏ TƏYİNATLA GÖNDƏRİLMƏSİ BƏRPA EDİLMƏLİDİR
Əli Bayramlı DRES-in direktoru Səməd İsgəndərov AZƏRTAC-ın müxbirinə demişdir ki, ali məktəb məzunlarının işə təyinatla göndərilməsi təcrübəsi bərpa olunmalıdır. İstehsalın idarə olunmasında səmərəliliyin artırılmasında yüksək ixtisaslı mütəxəssislərin rolu böyükdür və buna xüsusi diqqət yetirmək lazımdır. Gənc mütəxəssislərin müxtəlif təhsil ocaqlarından istehsalata təyinatla göndərilməsi prinsipi indi unudulmuşdur. Halbuki bu, kadrların düzgün yerləşdirilməsi, istifadə olunmasında əsas şərtdir.
Hazırda energetika sahəsində, xüsusilə elektrik stansiyalarında istilik energetikası, elektrik və kimya texnologiyası üzrə ali təhsilli mütəxəssislərə ehtiyac var və tezliklə bu problemin həlli ilə məşğul olmaq lazımdır.
Bölmənin digər xəbərləri
