MİNGƏÇEVİRDƏ DÖRD MİN QAZ SAYĞACI QURAŞDIRILMIŞDIR
AZƏRTAC xəbər verir ki, Mingəçevir Şəhər Qaz İstismar İdarəsinin ötən il istehlakçıların istifadəsinə verdiyi 29,2 milyon kubmetr təbii qazın cəmi 32,2 faizinin haqqı ödənilmişdir. Sənaye müəssisələri aldıqları qazın dəyərinin 78 faizini, qeyri-dövlət təşkilatları 96,8 faizini ödəmişlər. Ən aşağı ödəniş əhali arasında olmuşdur.
Mənzillərdə 4 minədək qaz sayğacı quraşdırılmışdır. “Azəriqaz” Qapalı Səhmdar Cəmiyyəti təbii qaz sayğaclarının quraşdırılmasını bu ilin sentyabr ayınadək başa çatdırmağı nəzərdə tutur.
