Minifutbol üzrə Azərbaycan çempionatının püşkü atılıb
Bakı, 14 noyabr, AZƏRTAC
Bu gün minifutbol üzrə Azərbaycan çempionatının püşkü atılıb.
AZƏRTAC xəbər verir ki, püşkatma mərasimində Azərbaycan Minifutbol Federasiyasının təsisçisi və fəxri prezidenti Orxan Məmmədov, prezidenti Taleh Nəsibov, "Qarabağ" komandasının baş məşqçisi Qurban Qurbanov, futbolçusu Qara Qarayev, “Zirə”nin baş məşqçisi Rəşad Sadıqov, paytaxt klubunun müdafiəçisi Ruslan Abışov və Azərbaycan yığmasının sabiq üzvü Vaqif Cavadov da iştirak ediblər.
Püşkə əsasən, birinci turunda “Aznur”-“Real” Bakı, “Sumqayıt”-“Bakı”, “Xəzər”-“Birbaşa Bakı”, “Qaradağ Lökbatan”-“Füzuli Ərgünəş”, “Dinamo Gəncə” - “Odlar Yurdu”, “Dəyirman”-“Dəmir Yumruq”, “Qarabağ”-“Galaxy Şuşa” və “Veteran”-“Zəngəzur” matçları oynanılacaq.
Qeyd edək ki, ilk iki pilləni tutan komandalar Çempionlar Liqasında, üçüncü yerin sahibi isə Avroliqada ölkəmizi təmsil edəcək.
Bölmənin digər xəbərləri
