Minsk qrupunun həmsədrləri Madrid prinsipləri əsasında sülh sazişi üzərində işləməlidirlər
Bakı, 16 fevral, Aidə Quluzadə, AZƏRTAC
Azərbaycanın xarici işlər naziri Elmar Məmmədyarov fevralın 16-da iranlı həmkarı Məhəmməd Cavad Zəriflə görüşdən sonra mətbuat konfransında Dağlıq Qarabağ münaqişəsinin həlli ilə bağlı sualları cavablandırarkən deyib ki, ATƏT-in Minsk qrupunun həmsədrləri Madrid prinsipləri əsasında sülh sazişi üzərində işləməlidirlər.
Nazir deyib: “Həmsədrlər atəşkəs pozuntularından danışarkən ilk növbədə qeyd etməlidirlər ki, ermənilər işğal etdikləri torpaqlardan çıxmalıdırlar. Onda atəşkəs pozulmayacaq.
Ciddi danışıqlar başlamalıdır ki, regiona sülh gəlsin. İlk növbədə, qaçqın və məcburi köçkünlər doğma yurdlarına qayıtmalıdırlar. Ən əsası isə hərbçilər öz evlərinə dönməlidirlər”.
Kəlbəcərdə Ermənistan silahlı qüvvələri tərəfindən girov götürülmüş Dilqəm Əsgərov və Şahbaz Quliyev haqqında suala cavabında nazir qeyd edib ki, bu məsələ həm həmsədrlərlə, həm də Avropa İttifaqının nümayəndələri ilə keçirilən görüşlərdə qaldırılıb. Eyni zamanda, həmin məsələ Ermənistan prezidenti Serj Sarkisyanın qarşısında da qoyulub. Girovlar Azərbaycana geri qaytarılmalıdır.
Bölmənin digər xəbərləri
