MİNSKDƏ CÜDO ÜZRƏ OLİMPİYA LİSENZİYA TURNİRİ KEÇİRİLƏCƏK
Martın 27-28-də Belarus paytaxtında cüdo üzrə “A” seriyalı olimpiya lisenziya turiniri keçiriləcəkdir. Gənclər, İdman və Turizm Nazirliyinin mətbuat xidmətindən AZƏRTAC-a bildirmişlər ki, ölkəmizi bu yarşlarda 9 idmançı – Şümşad Bəhramov, Tural İbrahimov (60 kq), Ramiz Qasımov, Elçin İsmayılov (66), Elməddin Əhmədov, İlqar İsrafilov (73), Nurəddin Səlimov, Qadir Qədirov (90), Mirəli Mövludov (100) təmsil edəcəklər.
Turnirin şərtlərinə görə, birinci yerə 90 xal, ikinci yerə 50 xal, üçüncü yerə isə 30 xal veriləcəkdir.
Xatırladaq ki, Mehman Əzizov (81 kq) bu il Afinada keçiriləcək Olimpiya oyunlarına , əslində, vəsiqə qazanmışdır.
Bölmənin digər xəbərləri
