Misli Premyer Liqasında "Zəfər turu"na start verilir
Bakı, 7 noyabr, AZƏRTAC
Futbol üzrə Misli Premyer Liqasında bu gün "Zəfər turu"na start veriləcək.
AZƏRTAC xəbər verir ki, ilk olaraq meydana "Şamaxı" və "İmişli" komandaları çıxacaq. Şamaxı şəhər stadionunda keçiriləcək qarşılaşma saat 13:44-də başlayacaq.
Ev sahibləri 10 xalla 9-cu, qonaqlar isə 12 xalla 8-ci sırada qərarlaşıb.
Günün ikinci oyununda isə "Qəbələ" doğma meydanda "Sumqayıt"ı qəbul edəcək. Matça saat 16:44-də start veriləcək. “Qırmızı-qaralar” 5 xalla 10-cu, “kimyaçılar” 17 xalla 5-ci pillədə yer alıblar.
Qeyd edək ki, tura noyabrın 9-da yekun vurulacaq.
Bölmənin digər xəbərləri
