Misli Premyer Liqasında XX turun daha iki oyunu keçirilib
Bakı, 25 yanvar, AZƏRTAC
Futbol üzrə Misli Premyer Liqasında XX turun növbəti oyunları keçirilib.
AZƏRTAC xəbər verir ki, günün ilk matçı “Kəpəz” və “Səbail” kollektivləri arasında olub. “ASCO Arena”da keçirilən görüş Bakı təmsilçisinin 1:0 hesablı qələbəsi ilə yekunlaşıb. Qalib komandanın yeganə qoluna 11-ci dəqiqədə Madi Queta imza atıb.
Digər oyunda isə “Sabah” və “Sumqayıt” klubları üz-üzə gəlib. “Bank Respublika Arena”dakı qarşılaşma qolsuz heç-heçə ilə başa çatıb.
Bu nəticələrdən sonra "Sabah" 28 xalla 5-ci, "Sumqayıt" 27 xalla 6-cı, "Səbail" 15 xalla 9-cu, "Kəpəz" isə 14 xalla sonuncu - 10-cu pillədə qərarlaşıb.
Qeyd edək ki, XX turun açılış matçında “Zirə” səfərdə “Şamaxı”ya 2:1 hesabı ilə qalib gəlib. Tura yanvarın 26-da reallaşacaq iki oyunla yekun vurulacaq.
Bölmənin digər xəbərləri
