MOSKVADA BAŞ VERMİŞ FACİƏ ZAMANI 57 NƏFƏR HƏLAK OLMUŞ, 33 ADAM YARALANMIŞDIR

24.02.2006 [20:58]
Çap et
A⁺ A^-

AZƏRTAC-ın xüsusi müxbiri xəbər verir ki, fevralın 23-də Moskvada bazarın binasının uçması nəticəsində 57 nəfər həlak olmuş, 33 adam yaralanmışdır. Onlar paytaxtın müxtəlif xəstəxanalarına qoyulmuşlar. Bunu Moskvanın meri Yuri Lujkov hadisə yerində olarkən bildirmişdir. O demişdir ki, fevralın 24-nə olan məlumata görə, qəzadan ölənlərin sayı 57-ə çatmışdır və yəqin ki, bu, son rəqəmdir. Xilasetmə işləri bütün gecəni davam etdirilmişdir, hazırda uçqunlar ehtiyatla təmizlənir.

Ölkəmizin Rusiyadakı səfirliyinin birinci katibi Ş.Qarayev AZƏRTAC-ın müxbirinə bildirmişdir ki, Moskvanın 4 nömrəli meyitxanasındakı 30 meyitdən 28-i tanınmışdır. Onların neçəsinin Azərbaycan vətəndaşı olduğunu hələlik demək çətindir, lakin adlarına, soyadlarına və atalarının adlarına əsasən güman etmək olar ki, 28 nəfərdən 22-si həmvətənimizdir. Səfirlik qohumlarını axtaran həmyerlilərimizə yardım göstərilməsini davam etdirir.

Moskva Səhiyyə Departamentinin məlumatına görə, zərərçəkənlərə tibbi və psixoloji yardım göstərilir. Yaralılardan 10 nəfəri hələ də ağır vəziyyətdədir.

MOSKVADA BAŞ VERMİŞ FACİƏ ZAMANI 57 NƏFƏR HƏLAK OLMUŞ, 33 ADAM YARALANMIŞDIR

MÜƏLLİFLƏ ƏLAQƏ