ORDU
Müdafiə Nazirliyi Cəbrayıl rayonunun Sirik kəndinin videogörüntülərini yayıb VİDEO
Bakı, 25 may, AZƏRTAC
Azərbaycan Respublikasının Müdafiə Nazirliyi işğaldan azad olunmuş Cəbrayıl rayonunun Sirik kəndinin videogörüntülərini paylaşıb.
AZƏRTAC Müdafiə Nazirliyinin mətbuat xidmətinə istinadla həmin görüntüləri təqdim edir.
Sirik kəndi 1993-cü ildə Ermənistan silahlı qüvvələri tərəfindən işğal olunub. Vətən müharibəsində düşmənə sarsıdıcı zərbə vuran Azərbaycan Ordusu oktyabrın 22-də kəndi işğaldan azad edib.
1918-ci il dekabrın 18-də erməni-daşnak silahlı dəstəsi Sirik kəndinə hücum edərək kəndi yandırıb, əhalinin əmlakını talan edib və dağıdıb. Hücum nəticəsində kəndin əhalisindən 11 kişi, 10 qadın, 14 uşaq öldürülüb, 2 kişi yaralanıb.