Mühəndis-istehkam manqa komandirləri üçün praktiki dərslər keçirilib
Bakı, 8 may, AZƏRTAC
Azərbaycan Ordusunda müddətdən artıq həqiqi hərbi xidmət hərbi qulluqçusu kimi xidmət etmək istəyən kursantlara mayın 8-də Silahlı Qüvvələrin Təlim və Tədris Mərkəzində (TTM) mühəndis-istehkam manqa komandirləri üçün praktiki dərslər keçirilib.
AZƏRTAC xəbər verir ki, praktiki dərs zamanı kursantlara “Ön mövqeyin qarşısında öz mina sahələrimizdən manqa tərkibində keçidlərin açılması” mövzusu tədris olunub. Həmçinin kursantların praktiki bilik və bacarıqlarının artırılması məqsədilə təlimlər keçirilib. Bundan əlavə, kursantlara “Mina sahələrindən keçidlərin açılması zamanı aşkar olunmuş minaların zərərsizləşdirilməsi” mövzusu da tədris edilib.
TTM-in mühəndis-istehkam ixtisası üzrə müəllimi, mayor Arif Butayev bildirib ki, təlimdə əsas məqsəd kursantların bilik və bacarıqlarının artırılmasıdır. Bu gün burada mühəndis-istehkam manqa kursuna qəbul olunmuş kursantlar manqa tərkibində mina sahələrimizdən əl üsulu ilə keçidlərin açılması və bu zaman aşkarladıqları minaların zərərsizləşdirilməsi mövzusunda praktiki bilik və bacarıqlara yiyələnirlər.
Bölmənin digər xəbərləri
