Müqəddəs Taxt-Tacın dövlət katibi ölkəmizə səfər edəcək
Baki, 14 yanvar, AZƏRTAC
Müqəddəs Taxt-Tacın dövlət katibi kardinal Pietro Parolin Azərbaycana səfər edəcək.
AZƏRTAC xəbər verir ki, bu barədə dövlət katibi Azərbaycanın Vatikandakı səfiri İlqar Muxtarovla görüşü zamanı bildirib.
Görüşdə Azərbaycanla Vatikan arasında yüksək səviyyəli əməkdaşlıqdan məmnunluq ifadə edilib, bu münasibətlərin sivilizasiyalar və dinlərarası dialoq, eləcə də dünyada tolerantlığın təşviqi baxımından əhəmiyyəti vurğulanıb.
Müqəddəs Taxt-Tacın dövlət katibi səfirdən Prezident İlham Əliyevə və Birinci vitse-prezident Mehriban Əliyevaya salamlarını çatdırmağı xahiş edib, bu il ölkəmizə səfər edəcəyini bildirib.
Bölmənin digər xəbərləri
