Murmansk Gənclər Gününü bayram etməyə hazırlaşır
Bakı, 18 aprel (AZƏRTAC). İyunun 24-də Murmanskdakı “Beş künc” meydanında “Gənclər Günü - 2012” adlı şəhər bayramı keçiriləcəkdir. Rusiya Gənclər Gününün təşkilində və keçirilməsində iştirak etmək üçün sifarişlər qəbulu başlanmışdır.
Tədbirdə iştirak etməyə gənclərin ictimai birlikləri, gənclərlə iş üzrə təşkilatlar, biznes strukturları dəvət olunur.
Tədbirin təşkilatçısı Murmansk şəhər administrasiyasının gənclərlə iş üzrə şöbəsi və gənclərin ictimai təşkilatlarıdır.
Bizim gənc həmvətənlərimiz - Rusiyanın Azərbaycanlı Gənclər Təşkilatının Murmansk vilayət bölməsinin üzvləri də bayram şənliklərində iştirak edəcəkdir. Heydər Əliyev Fondunun vitse-prezidenti Leyla xanım Əliyevanın başçılıq etdiyi RAGT bu gün Azərbaycan gənclərinin ölkə hüdudlarından kənarda ən fəal təşkilatıdır. 60-dan çox bölməsi olan bu təşkilatın regional şöbələri fəallıqda mərkəzdən geri qalmır. Son bir ildə RAGT Rusiyanın müxtəlif regionlarında çoxsaylı tədbirlər keçirmişdir.
RAGT-nın Murmansk vilayət bölməsi öz imkanlarının genişləndirir və Murmanskda Rusiya Gəncləri Gününün qeyd olunmasında fəal iştirak etmək niyyətindədir.
Bölmənin digər xəbərləri
