Murmanskdakı həmvətənlərimiz haqqında Moskva jurnalı üçün müsahibə
Bakı, 25 iyun (AZƏRTAC). Xəbər verildiyi kimi, Moskvadakı aylıq “Zemlyaki” jurnalının müxbiri Viktor Surik Murmanskda yaradıcılıq ezamiyyətindədir.
Jurnalist Murmansk vilayətinin qubernatoru Lyudmila Çistova ilə görüşmüşdür.
O, jurnalın müxbirinə verdiyi müsahibədə regionda miqrasiya sahəsində vəziyyətdən, müxtəlif milli diasporlardan, habelə vilayətin siyasi və iqtisadi inkişafında azərbaycanlıların rolundan danışmışdır.
Lyudmila Çistova “Zemlyaki” jurnalı üçün müsahibəsində demişdir: “2004-cü ildə yaradılmış Ümumrusiya Azərbaycanlılar Konqresinin regional şöbəsi bu istiqamətdə fəal iş aparır”.
Qeyd edək ki, “Zemlyaki” jurnalı Rusiya Federasiyasının Federal Miqrasiya Xidmətinin informasiya dəstəyi ilə nəşr olunur.
Jurnal dövlətin və xidmətin miqrasiya proseslərinə rəhbərliyi məsələlərini dərindən və hərtərəfli işıqlandırır.
Jurnal tematik cəhətdən bloklara bölünmüşdür: “Miqrasiya işi”, “Beynəlxalq əməkdaşlıq”, “Dövlət proqramı”, “Miqrasiya və cəmiyyət” və “Rus dünyası”.
Bölmənin digər xəbərləri
