Muthoni Brian Ngigi: WUF13 qlobal mənzil problemlərinin müzakirəsi üçün mühüm platformadır
Bakı, 19 may, AZƏRTAC
BMT-nin Ümumdünya Şəhərsalma Forumunun 13-cü Sessiyası (WUF13) urbanizasiya, mənzil təminatı və sosial bərabərsizliklərlə bağlı qlobal problemlərin müzakirəsi baxımından mühüm platformadır.
AZƏRTAC xəbər verir ki, bu fikirləri Afrika üzrə İqlim Məsələləri Bürosunun keniyalı redaktoru Muthoni Brian Ngigi WUF13 ilə bağlı açıqlamasında səsləndirib.
Keniyalı nümayəndə bildirib ki, tədbirdə Bakı Təşəbbüs Qrupu və Qlobal Cənub Gənclər Platforması çərçivəsində iştirak edir. “Ümumdünya Şəhərsalma Forumunun sessiyasında ilk dəfədir iştirak edirəm və burada çox şey öyrənirəm. Forumun inklüziv xarakter daşıdığını görürəm və bu, çox vacibdir. Müstəmləkəçilikdən, sosial ədalətsizliklərdən və mənzil çatışmazlığından əziyyət çəkən insanlar forum çərçivəsində urbanizasiya və əlçatan mənzil siyasəti ilə bağlı yeni yanaşmalarla tanış olmaq imkanı əldə edirlər”, - deyə redaktor vurğulayıb.
Fotoqraf - İlkin Cavanşirov
Bölmənin digər xəbərləri
