MUXTAR RESPUBLİKADA GƏNCLƏRLƏ İŞ DİQQƏT MƏRKƏZİNDƏDİR
Naxçıvan, 5 yanvar (AZƏRTAC). Naxçıvan Muxtar Respublikasında gənclərlə iş və idmanın inkişafı sahəsində ardıcıl tədbirlər həyata keçirilir.
Yola saldığımız ildə gənclərə hərbi vətənpərvərlik və vətəndaşlıq hissinin aşılanması, onların asudə vaxtının səmərəli təşkili, intellektual və fiziki inkişafını təmin edən fəaliyyət növlərinin tətbiqi diqqət mərkəzində saxlanmışdır. Azərbaycan Respublikası Prezidentinin seçkiləri ilə əlaqədar «İlhamla irəli» devizi altında idman federasiyaları tərəfindən muxtar respublika birincilikləri keçirilmişdir. Eyni zamanda, idmançılar qonşu İran və Türkiyədə təşkil olunmuş yarışlarda iştirak etmişlər.
Bölmənin digər xəbərləri
